Framkvæmdastjórn Evrópusambandsins afhenti íslenskum stjórnvöldum langan og strangan spurningalista á ensku sem erfiðara er fyrir suma en aðra að skilja. Góðverk dagsins er þeirra sem skilja enska tungu að taka að sér að þýða eina spurningu á þessum lista, svo allir geti notið þess texta sem stafar frá framkvæmdastjórninni.

Hlutverk spurningalistans er að upplýsa framkvæmdastjórnina um stöðu mála á Íslandi til þess að framkvæmdastjórnin geti gefið ráðherraráðinu álit sitt á umsókn Íslands um aðild að Evrópusambandinu.

Hjálpartækið er Hugtakasafn Þýðingamiðstöðvar utanríkisráðuneytisins.

Fyrirkomulagið er þannig að hér á vefsíðunni birtast rúmlega 340 pdf blaðsíður sem lesendur eru beðnir um að velja sér spurningu á, taka niður spurninguna, þýða hana og birta hvoru tveggja sem athugasemd á þeirri blaðsíðu sem spurningin er sett fram á. Við munum síðan sjá til þess að raða saman enskri og íslenskri þýðingu hlið við hlið með skipulögðum hætti.

Spurningarnar eru allar í viðhengdu PDF skjali við þessa blaðsíðu og birtast eins og áður segir, smám saman á hinar 340 undirsíður.