Gluggaði í skýrsluna frá Deloitte í gær. Rak augun í að það virtist mjög oft koma fyrir nákvæmlega sama upphæðin, kr. 311.250, undir hinum og þessum bókhaldslyklum og hinum og þessum verkum. Það væri fróðlegt að vita hvort þetta sé eðlilegt og af hverju þetta sé alltaf sama upphæðin.

F,

"Það forðast allir að segja það upphátt - en ég hef aldrei séð eins skipulagðan og útsmoginn fjárdrátt á opinberu fé í svona langan tíma. Þetta mál væri grunsamlegt, jafnvel þótt þetta væri EKKI dóttir bæjarstjórans."

Það vill væntanlega engin fá meiðyrðamálssóknina ef ske kynni að hann yrði sýknaður af ákæru ... kæmi hún fram.

"Hugmyndir fyrir blaðamenn; 

Finnið út hvaða ljósmyndir þetta voru sem kostuðu 6 milljónir. Voru sömu myndirnar seldar bænum aftur og aftur vegna nýrra verkefna?"

Þetta hefur verið reynt, en þar sem engin tilgreining er um hvaða ljósmyndir er að ræða er enginn vegur að hrekja eða rekja saman myndir og sölu. Það sem meira er, maður hefur heyrt ávæning af því að hún hafi keypt ljósmyndir á einhverja tugi þúsunda en selt aftur á mun hærra verði. Þetta hefur Tíðarandinn hins vegar ekki eftir staðfestum heimildum og setur það því ekki fram sem fullyrðingu hér.

"Hvað kostuðu IKEA rammarnir í umhverfisviðurkenningarnar sem greiddar voru samtals 2,4 milljónir fyrir? "

Samkvæmt lauslegri könnun kosta sambærilegir IKEA rammar uþb. 1600 krónur í dag.

"Hvernig væri að skoða eina slíka viðurkenningu og fá verðtilboð í að gera grunn sem væri síðan skrifað eða svartprentað á, á hverju ári?"

Hljómar vel. Gæti jafnvel verið hugmynd fyrir grafískan hönnuð með lítið á verkefnaskránni :)

"Hvernig væri að fara í saumana á því hvaða verk voru unnin fyrir hvaða pening og hvernig lítur afraksturinn út?"

Það hefur verið reynt að ákveðnu leyti eins og fréttaflutningur liðinna vikna staðfestir en aftur kemur hér að ónákvæmni í tilgreiningu á reikningum hvað verið er að vinna og því erfitt á köflum að leggja fram haldbærar sannanir um skort á tengslum milli verka og reikninga.

Nei þessar upplýsingar er ekki að finna í gögnunum sem Tíðarandinn hefur í sínum fórum, enda er ekki verið að "rannsaka" Frjálsa miðlun sem slíka heldur viðskipti Kópavogsbæjar við félagið.

Það sem kemur þó fram í greinargerð Deloitte er að á því tímabili sem Deloitte tók til athugunar (janúar 2003 til desember 2008) virðist félagið hafa notað 294 reikningseyðublöð. 185 þeirra voru bókuð hjá Kópavogsbæ á tímabilinu og eins má búast við að einhver eyðublöð hafi verið notuð til útgáfu kreditreikninga eða verið ógild vegna mistaka. Það væri að minnsta kosti hæsta máta óeðlilegt ef ekkert væri um kredit/ógilda reikninga á öllu þessu tímabili.

Þetta þýðir að 2 af hverjum 3 reikningum sem Frjáls miðlun gefur út hefur verið gefinn út til Kópavogsbæjar.

Ársskýrslur Frjálsar miðlunar (samandregnar) fást hjá fyrirtækjaskrá gegn gjaldi. Tíðarandinn tekur fús við afriti af þeim, festi einhver kaup á skýrslunum.